Kjempefornøgd

Herlege og mjuke i alpakka frå Sandnes, nydeleg grøne og med knappar som prikken over i'en. Eg vart skikkeleg fornøgd med månadens pulsvarmarar. Desse blir lagt i julegåveskuffa der dei kanskje snart får selskap av ei stripete lue i same fargane.

Dei tre første

"Og mens du stjernene teller, vokser din tro, ditt håp." Sitat frå ein kjent, kristen sang som eg ofte speler og nynnar på. Syntest det passa til stjernehimmelen eg har tenkt å laga som mitt bidrag til alongen "En bestemor om dagen". Hekla med str. 3 mm og babyull frå Rauma og eit garn eg trur er babyull frå Sandnes. Mønster er henta frå ei bok eg kjøpte på Amazon; "Beyond the square; Crochet Motifs".

Hubby House ferdig

Eg likar betre og betre å strikka sokkar frå tåa og opp, og Judy-eit-eller-anna sin måte å leggja opp på var berre heilt genial.

Der er ingen mannfolkbein å prøva dei på her i huset, men eg trur dei enda opp med å vera ca. 42-43. Dei er strikka i Sisu på pinne 3. Prøvde å få dei skikkeleg mannfolk med svart og militærfargar.

Ein fin skulder

Eg veit ikkje om det er vanleg blant internettstrikkarar å strikka i saman på skuldrene, eller å sy i saman. Eg har i alle fall lært av mor at resultatet vert finast når ein strikkar i saman. "Då vert det ein god og stødig kant som ikkje strekkar seg så lett." Ja,ja, kunne vore interessant å høyra korleis andre gjer. Eg er i alle fall ferdig med venstre framstykke på lamagarnprosjektet. Og eg må innrømma at eg synest skulderen vart kjempefin, var heldig med at mønsteret stemte så fint.

Framgang i lamagarnprosjektet

Lamagarnet mitt er såååå tynt. Men det veks litt heile tida. I alle fall viss eg strikkar, noko som eg har alt for lite tid til i desse rettetider. Nå ser det slik ut, og neste mål er å få ferdig framstykkene. Dei skal heldigvis ikkje vere så store. Men andre prosjekt står i kø; maisokkar og maipulsvantar først og fremst, og i tillegg har eg meldt meg på ein restegarnkonkurranse på hobbyforum for ei stund sidan som eg gjerne vil følgje opp. Ute skin sola og lokkar meg ut av sofaen og vekk frå strikketøyet. Ikkje lett.

Fuglevise - Thorbjørn Egner

Det er vårdag i skogen, det spretter og gror.

Og sangen du hører er fuglenes kor.

Det er dompap og sisik og meiser og stær.

Og det traller og synger i busker og trær.

Tra la la, tvidele di di, der kvitrer en hann.

Det er en ung og pen liten løvsanger mann.

Tra la la, tvidele di di, hva tenker han på?

Han tenker den som kunne en kjæreste få.

Ein potensiell ufo

Har du nokon gong angra på at du har starta på eit prosjekt? Eg gjer det nesten med denne. Eg seier ikkje kva det skal vera, det får bli ein gjettekonkurranse... Men 28 cm, det er mål nummer ein. I dag har eg passert 10 cm. Når kvar omgang måler i overkant av 2 mm, vil det seia at eg har, eh, mange omganger att. Det som får meg til å fortsetta å strikka er at garnet er aldeles nydeleg å ta på (lama, og det er ikkje det same som alpakka) og at eg vil gjerne ha eit sånt plagg.