Sjå på lista mi til høgre! Så mykje har eg aldri produsert på eit år før. Og det er mykje på grunn av inspirasjon frå knit-alongane eg har vore med på, i tillegg til hobbyforum og hobbyboden. Og ikkje minst ravelry.

Før 2009 hadde eg ikkje strikka meir enn ca. 5 sokkepar til saman på 29 år. Nå har eg strikka 14 på eit år. Før 2009 hadde eg berre strikka eit einaste par med pulsvantar, nå har eg strikka 13 til. Og eg har sydd kjole, den er eg skikkeleg stolt av, men eg har dessverre ikkje bilete av den ennå. I tillegg har eg lært våttoving og vorte betre til å nålefilta.

Jo, når det gjeld handarbeid har 2009 vore eit godt år.

Eg vever

Eg vever babyteppe ennå. Nå går det i grønt og brunt. Eg håpa på å verta ferdig før nyttår, men i denne kulda kan eg ikkje halda alle rom varme. Og då er det hobbyrommet som vert ståande kaldt dessverre. Det går jo an å varme det opp berre ei lita stund, skal gjera det i kveld. Og ta på meg pulsvantar, tjukke sokkar, tjukk genser og lue...

Gartnartøfler

Nokre gonger får eg ein idé, og då må det berre prøvast ut. Sånn var det med desse tøflene som syster mi fekk då ho fylde år.
Teknikken er våttoving som skildra i denne boka. Ulla er kjøpt hos Ullform i Hillevåg.

Brusteinen er grå nålefilt som er klippa opp i mange små ruter og lagt på i slutten av våttovinga. Blomane har eg nålefilta på etterpå.

Kanskje eg vil ha dei sjølv likevel...

Eg har nok sokkar, så eg har eigentleg sagt at eg ikkje skal ha desse sjølv. Dei skal i gåveskuffa. Men, dei vart jo ganske fine og passar perfekt på foten min.

Garnet er Perfect frå Sandnesgarn. Aldeles nydeleg å strikka med og eg synest der er ein fin glans i det. Pinne 3,5 mm.

Mønsteret er Traveler. Desembersokkane. Og då har eg klart alle sokkepara i 2009!

Og, ja, eg gøymde mønsteret etter at eg hadde lært flettinga utanåt. Så hælfelling og ribb bak og oppe veit eg ikkje om stemmer med mønsteret. Og tåa var altfor "klatt" til at eg gadd å prøva då eg la opp på julafta.

Novemberpulsvantane

Ja, litt treig. Men måtte verta ferdig med julegåvene først.

Mønsteret er Mirror Twist Mitts og garnet er Cascade Alpaca Lace frå Strikk Innom. Ikkje heilt fornøgd med kombinasjonen, men det var heldigvis svigerinna mi som skal byrja i jobb som postbud etter nyttår.

Kalender til far

For eit par år sidan gav eg far min ein kalender med bibelvers, sangvers, sitat og dikt til jul. For eit par månader sidan fekk eg den att. Om eg kunne skifta ut kalenderdelen og gje den om att?

Eg har forandra litt meir enn berre kalenderdelen. Men ei fin gåve er det i alle fall. Ein idé til andre kanskje?

Tre par leggvarmarar

Det har vore litt panikkstrikking i desember etter at eg plutseleg fekk veta at bror min og kona skulle koma heim til jul med tre tantungar.

Løysinga vart tre par leggvarmarar i Alfa frå Sandnesgarn.
Dei blå er i mønsteret Tree trunk legwarmers.

Dei kvite er eige design med litt hjelp av Barbara. (Ravelry-link)

Dei lilla er òg eige design, med litt hjelp av Garnstudio til borda nedst.